Яңа уку елында мәктәпләргә берничә яңалык кертелә

Яңа уку елыннан башлангыч сыйныфларның 70 мең укучысы өчен Казан мәктәпләрендә туклану бушлай булачак. Тагын бер яңалык – сыйныф җитәкчеләре өчен 5 мең сум күләмендә айлык түләүләр барлыкка киләчәк. Казанда 5428 педагог өстәмә акча алачак.

10 сыйныф укучылары өчен гомуми белем бирүнең яңа федераль белем бирү стандартлары кертелә. Үзенчәлекләрнең берсе – белем бирүнең профильле принцибы һәм һәр укучының индивидуаль белем бирү маршрутын үстерүгә басым ясау. Югары сыйныф укучылары өчен укытуның 5 профиле билгеләнгән: табигый-фәнни, гуманитар, социаль-икътисадый, технологик һәм универсаль. Уку планы һәр өлкәдән кимендә бер уку предметын өйрәнүне һәм индивидуаль проектны яклауны күздә тотарга тиеш. Теләсә кайсы уку планы өчен предметларны өйрәнүгә мәҗбүри рәвештә: «Рус теле һәм әдәбияты», «Татар теле һәм татар әдәбияты», «Чит тел», «Математика», «Тарих» (яки «Россия дөньяда»), «Физик тәрбия», «Тормыш эшчәнлеге иминлеге нигезләре», «Астрономия».

Яңа уку елыннан 71-нче һәм 111-нче мәктәпләрдә аутистика спектры (РАС) бозылу очраклары булган балалар өчен тагын ике ресурс сыйныфы ачылачак һәм 136-нчы, 25-нче һәм 81-нче мәктәпләрдә психик үсеш тоткарлыгы булган балалар өчен компенсацияләү төрендәге өч сыйныф ачылачак. Үзенчәлекле балалар Казанның 38 гомуми белем бирү мәктәбендә белем ала һәм социальләшә.

Уку елы башында Казанда мәктәп укучыларының белемнәрен диагностикалау – коронавирус пандемиясе аркасында быел көзгә күчерелгән тикшерү эшләре узачак. Контроль эшкә бәя куелмаячак. Тикшерү нәтиҗәләре буенча эш программаларына үзгәрешләр кертеләчәк.

Мәгариф идарәсендә мәктәпләрдә укыту-тәрбия процессын оештыру сыйфаты мәсьәләләре буенча кайнар линия эшли. Идарәгә +7(843)292-70-50, +7(843)292-92-43 телефоннары буенча мөрәҗәгать итәргә мөмкин.