Казанда Студентлар көнен «Хезмәт резервлары» стадионында билгеләп үтәләр

Кичәнең хедлайнеры – диджей Бабл Гам

Денис Гордийко фотосы

Иртәгә, 25 гыйнвар көнне Казан студентлары өчен «Хезмәт резервлары» стадионында бай эчтәлекле бәйрәм программасы әзерләнә. Шугалак территориясендә интерактив мәйданчыклар эшләячәк, анда студентлар спорт һәм уен биремнәрендә катнаша ала. Программага шулай ук караоке һәм бию флешмоблары кертелгән. Өч сәгать дәвамында диджей-сет уйнаячак, диджей Бабл Гам кичәнең хедлайнеры буларак чыгыш ясаячак.

Чараның партнерлары – «Сбербанк» гавами акционерлык җәмгыяте һәм «Самокат» хезмәте – биредә ял һәм актив чаралар зонасын оештыра, анда килүчеләр татлы бүләкләр дә ала алачак.

Студентлар кичке 19:00 сәгатьтән 21:00 сәгатькә кадәр рәхәтләнеп бозда шуа ала. Бу вакыт аралыгында шугалакка керү һәм тимераякларны прокатка алу бушлай оештырыла.

Тимераякны бушлай прокатка алу өчен студент билетын, паспортны һәм «Сбербанк» гавами акционерлык җәмгыяте тарафыннан бирелгән махсус беләзекне күрсәтергә кирәк, аны стадион холлында әлеге банк хезмәтләрен тәкъдим итү ноктасында алырга була. Тимераяклар саны чикләнгән.

Бәйрәм чарасы 17:00 сәгатьтә башлана.

Алдарак хәбәр ителгәнчә, Казанның югары уку йортларында һәм урта һөнәри белем бирү оешмаларында 164 мең студент белем ала, шуларның 17 мең 032 се – чит ил кешеләре.

Шулай ук укыгыз

Барлык яңалыклар